Hesperian Health Guides
Dusukundimi
Dusukundimi bɛ cɛw ni musow bɛɛ la. Dusukundimi sababu ye joli cayali ye sɔn na. Ni o kɛra, dusukun jɔlen bɛ to min bɛ laban ni dusukun fasaw fagali ye. O bɛ sɔrɔ sɔnnabana de fɛ.
A taamasiɲɛw
- Jolicaya, jolibolisira gɛrɛntɛli, a misɛnyali, walima disidimi
- Dimi bɛ se ka taa kan, kamakunw, bolow, ɲiw ani dakalakaw la
- A dimi bɛ juguya dɔɔni dɔɔni ka taa a fɛ, nka a bɛ se ka bala ka juguya.
- Ninakili tigɛtigɛli
- Wɔsili
- Dusukunɲugun
- Kunkolodimi misɛnniw
Disidimi de ye a taamasiɲɛ fɔlɔ ye cɛw ni musow bɛɛ la, nka tuma dɔw la disidimi tɛ kɛ musow la. Olu ta ka teli ka kɛ ninakili tigɛtigɛli, farikolosɛgɛn, dusukunɲugun, fɔɔnɔ walima kɔdimi ni dakalakadimiw ye.
A furakɛcogo
Aw bɛ asipirini (aspirine) kisɛ 1 di a ma o yɔrɔnin bɛɛ la. Aw bɛ a fɔ ko a tigi ka a ɲimi ka ji min a kan. Hali ni aw dalen tɛ a la ko dusukunnabana don, asipirini tali tɛ fɛn kɛ a tigi la.
Ni nitorogiliserinikisɛ (nitroglycérine) bɛ aw bolo, aw bɛ o dɔ di a ma ka mugan. Mɔrifini (morphine) ka ɲi dimi ni siranya madali la. Aw bɛ a tigi hakilisigi ani ka dɔgɔtɔrɔ dɔ ka dɛmɛ ɲini.
This page was updated: 22 Des 2024