Hesperian Health Guides
Farikolo tanabanaw: a hakɛlama walima a juguman
HealthWiki > Dɔgɔtɔrɔ tε Sigida min na > Furakɛli kunfɔlɔ > Farikolo tanabanaw: a hakɛlama walima a juguman
Farikolo tanabana nɔgɔman taamasiɲɛw
 Ŋɛɲɛ, a fununi, a bilenni
Farikolo bilenni
Tisoli |
 Fɛnɲɛnama kinda bɛ se ka funu |
Farikolo tanabana juguman mɔgɔ minɛcogo ka jugu, barisa a bɛ se ka ninakili jɔ yɔrɔninkelen.
Farikolo tanabana juguman taamasiɲɛw
- Fari bilenya, a ŋɛɲɛ
- Nu, dawolo ni kankɔnɔna funu, dumuni kununi gɛlɛya
- Ninakilidegun
- Tɛgɛ ni sentɛgɛfunu
- Dusukunɲugun walima kɔnɔdimi
A taamasiɲɛw caman ye farikolo bilenya ni ninakilidegun ye.
Ni mɔgɔ tɛ se ka dumuni kunu, walima ni ninakilidegun bɛ a la, aw bɛ epinefirini (épinéphrine) di a tigi ma o yɔrɔnin bɛɛ. Aw bɛ epinefirini 0,3 ka se 0,5 miligaramu pikiri kɛ a la. Aw bɛ se ka segin ka o fura hakɛ kelen kɛ a la miniti 5 kɔnɔ ni a ɲɛci bɛ yen.
Epinefirini bɛɛ fanga ni a hakɛw tɛ kelen ye. O ni a ta bɛɛ, aw bɛ se ka a dita hakɛw kɛ kelen ye. Aw ye aw hakili jagabɔ a tata hakɛ ɲuman kan; wa fana a maralen ka sɔrɔ aw bolo sani a mako gɛlɛn ka jɔ a la. Walima aw bɛ a pikiriji labɛnnen mara, ni a bɛ wele epipɛni (EpiPen), a dɔnnen don ni izinitigiw ka tɔgɔ wɛrɛw ye.
Aw bɛ epinefirini pikiri kɛ worofasa la, nin yɔrɔ in na:
Ninakilidegun na, aw bɛ se ka salibitamɔli (salbutamol) fana di. A ka fisa fana ka faritanabana fura di.
A ca a la, ni fura, dumuni, diden kinda bɛ farikolotanabana bila aw la, aw ye aw yɔrɔ janya olu la. Siɲɛfilanan na, ni o fɛn kelen ye aw sɔrɔ, Aw bɛ se ka sigi ni degun ye min ka jugu ka tɛmɛ fɔlɔ kan.