Hesperian Health Guides
Jolilabana
Bana don min bɛ sɔrɔ banakisɛ donni na joli la. Banajugu don barisa a bɛ se ka mɔgɔ kirin. Ni aw sɔmina ko jolilabana don, aw bɛ aw teliya ka taa dɔgɔtɔrɔso la ka a tigi furakɛ joona.
Jolilabana taamasiɲɛw
- Farigan walima fari sumaya kojugu
- Dusukun tantanni teliya hakɛ min ka ca ni siɲɛ 90 ye miniti kelen kɔnɔ
- Ninakili teliman min ka ca ni siɲɛ 20 ye miniti kelen kɔnɔ
- Ninakilidegun
- Fari ɲɛ yɛlɛmali walima a koyokoyoli
- Sugunɛkunkuruni kɛ
- Hakiliɲagami
- Tansiyɔn jiginni
Taamasiɲɛ minnu ka teli ka ye, olu de ye farigan walima farisumaya, dusukun tantanni teliman ani ninakili teliman. Ni aw ye nin taamasiɲɛ kofɔlenw fila sɔrɔ mɔgɔ la walima min ka ca ni o ye, aw bɛ jolilabanafura kɛ o tigi la.
A furakɛcogo
Aw bɛ taa dɔgɔtɔrɔso la. Sani o cɛ:
- Ka kirinni taamasiɲɛw furakɛ.
- Aw bɛ a furakɛ ni sɛfitiriyakizɔni ye (ceftriaxone) walima siporofilɔkisasini (ciprofloxacine) ka kilindamisini (clindamycine) fara o kan.
- Aw ye joli juguman saniya, ka sogosu bɔ a kan, ka a ji ni nɛ labɔ. Walasa ka o baara kɛcogo dɔn, aw ye sɛbɛn ɲɛ 328 lajɛ.
- Ni banabagatɔ ninakilicogo ka ɲi, aw bɛ jimafɛnw di a ma. Aw bɛ to ka a di a ma dɔɔni dɔɔni.
This page was updated: 31 Mar 2025